يوم الاربعاء الموافق تاريخ 18 فبراير 2009 كان سعر كوب كابتشينو من دانكن دونات من فرع الذي اعتدت الشراء منه كل يوم الساعة 8 تماما بـخمس ريالات فقط
ويوم الأحد الموافق 22 فبراير 2009 أصبح سعر كوب الكابتشينو من دانكن دونات نفس الفرع ونفس التوقيت بثمان ريالات!!!!!
اي تم رفع السعر اكثر من 60%
وانا خبري أن الحليب أنخفض سعره……المهم اني بطلت اشتري كابتشينو من عندهم، لأن انا اولا انسانه مؤثرة في المجتمع حتى لو كنت وحدي إذا انا استطيع اشتري غيري مايقدر، وعشان غيري انا وقفت، ثانيا مو حلوة احد يستخف بعقلي اليوم يبيع لي بسعر وبكرة بثاني واذا رضيت ببيع لك بعدة بثالث.
المسألة ومافيها من الملعوب عليه ومين اللعاب؟ مين الطماع ومين المطموع فيه؟
مين المسكين ومين السكين؟
انا بس ابغى افهم مين المسئول وش السالفة؟ احنا مسروقين ولا احنا سارقين؟
انا فين؟ انا مين؟ انا ايش اكتب ..؟ اصلا مين يسمع؟
ودقــــــي يامزيكــــة
احسن ,, زين اللي سويتيه =)
اذا رحتي مره ثانيه يمكن تلاقين ورقه الاقتراحات هذيك
عبيها واكتبي عن اللي صار *_*
وممكن يكون فيه رقم شكاوي او شي حق الاداره .. دقي قولي خير
خميس وجمعه الناس تاخذ اجازه وانتم تسوون اجتماعات وتعلون الاسعار فيها :/
امممم
اسعار المشروبات عندهم غاليه مقارنة باسعار الدونات الرخيص
بصراحة انا اضايق من اللي يهجمو على ارتفاع الاسعار بدون ما يسألو المحل عن اسباب الارتفاع
وان شاء الله في زيارتي القادمة لمقهاي المفضل ” دانكن ” راح اسأله عن هذا الموضوع
شكرا لك على التنبيه
شكلي أديتهم عين ..
قبل فترة كنت أقول أنو الكابتشينو سعره كويس الا رفعوه
تقصدي ورقصني يا قدع
الأسعار .. لا جديد ! كل يوم يرتفع سعر شي جديد :/
الساعه 8 ولقيتيه بـ 8 ريال ؟
طيب جربتي تجينه الساعه 5 .. يمكن تلقين سعرك القديم
( استضراف
)
تلقين دانكن دونات قال بخاطره .. التجار الباقيين وش ازين مني فيه؟
بس جربي تراسلين موقع دانكن دونات الرئيسي … وهدديهم بالمقاطعه … وقولي لهم ترى الشعب متعلث هاليومين ويدور له مقاطعه
ايوا انا كمان استغربت من ارتفاع السعر
طلبت كابتشينو وبعدها قالي بي 8 ريال
انا استغربت بصراحه
الغريب ان الدونات ما ارتفع سعرها ولكن الكابتشينو ارتفع
على كيفهم من جد
!!
يا اخونا انا سألت المسؤولين اللى في دانكن لأني مقهاي المفضل وبصراحة اقتنعت بزيادة السعر مو موضع سعر الحليب لكن زيادة رواتب العمال واستبدال الاجانب بسعوديين ورفع رواتبهم لتشجيعهم على العمل وبالتالي لابد ان تزيد التكلفة ومش ممكن يبيعون بخسارة ولهذا السبب تم رفع سعر الكابتشينو والدونات نفس الاسعار
اهلا لارا :
اتصلت عليهم وسويت لهم سالفة بس مافيه شكلهم مقتنعين..
اهلا صارخ بصمت:
انا بانتظار سبب الارتفاع… بيقولك من نفس الادارة
ايانيق:
عطيهم من اثرك
حسام :
من جد… رقصني ياقدع
ابراهيم:
جربت الساعة 3 وطلع بريالين الحق وجرب لوووول
مارسلتهم بصراحة
حلمي معي :
اتوقع انهم يجسون نبض في الكابتشينو بعدين بيرفعون الباقي وقولي اني ماقلت.
عبدالله العتيبي … صحيح انك من جد راعي قلب طيب
الحين يخسرون زباينهم عشان يرفعون رواتب ومن هالخرابيط ياخي يلعبون ع العالم
يعني لو مدخولهم في الشهر 10 ملايين خليهم ينقصون 50 الف ريال ويرفعون رواتب….. مصدق انت ياحليلك والله
ريال واحد ماراح يدفعون من عندهم مشي حالك بس
الموضوع وما فيه أنك تشربي كابتشينو من” براند” عالمي , المبيعات
إنخفضت إنخفاضاً حاداً جداً في امريكا واوروبا , القدره على الشراء إنخفضت , الدخل لديهم انخفض كما تعلمين جراء الأزمة المالية ثم الأزمه الإقتصاديه ”
و القوه الشرائيه لدينا لم تنخفض ولله الحمد , ومزاجنا عال بسبب الكابتشينو , إذاً الفرصة مواتيه لرفع سعره 60% دفعة واحدة .
أجل تبغين مزاج ومش اي مزاج بسعر منخفض !!
بعدين الكابتشينو من الكماليات ,ليش ما يرفعونه خليهم يرفعونه لأنه مو ضروري مرة الا لأصحاب المزاج , واللي يبي المزاج لا يقول زاد وما زاد !!
في أمان الله
ريــــــان
ريان
اتصدق اقنعتني… انه احنا الوحيدين الي بنشتري ولا راح نزعل…
يلا نستاهل ماجانا اجل….
تشكر ريان…..